11/15 хүртэл даац хэтэрсэн ачааг хязгаарлалаа: орон нутаг руу ачаа илгээгчдэд 4 зөвлөмж
Энэ сард орон нутгийн тээвэрт хүнд ачааны хязгаарлалт, зам ашигласны төлбөрийн өсөлт зэрэг хэд хэдэн өөрчлөлт гарлаа. Орон нутаг руу ачаа илгээдэг компаниудад хамааралтай дөрвөн мэдээг товчлов.
🚧 11 дүгээр сарын 15 хүртэл даац хэтэрсэн ачааг хязгаарласан
Хүйтний улиралд газрын хөрс хөлдөж, замын даац буурч байгаатай холбогдуулан 10 дугаар сарын 15-наас 11 дүгээр сарын 15-ныг хүртэл зөвшөөрөгдөх дээд хэмжээнээс хэтэрсэн, задрах боломжгүй ачаа тээвэрлэлтийг зогсоосон байна (MNS 4598:2025 стандартын 5.2 дахь заалт). Иймд том, хүнд оврын ачааг энэ хугацаанд тээвэрлэхийг хязгаарласан.
🛣️ Зам ашигласны төлбөр 2 дахин нэмэгдсэн
Наймдугаар сарын 1-нээс улс, олон улсын чиглэлийн авто замын төлбөр ачааны машинд ₮10,000 байсан бол ₮20,000 болсон. Төлбөр авах 33 цэг бүгд цахим болсон бөгөөд төлбөрөө төлөөгүй бол 20 удаа саадгүй нэвтэрч, 21 дэх удаад хаалт нээгдэхгүй. Пост олон удаа дайрдаг бол урьдчилан гэрээ байгуулж төлбөрөө төлснөөр 30% хүртэл хөнгөлөлт эдэлнэ.
⛽ Шатахууны нөөц хязгаартай
10 дугаар сарын 12-ны байдлаар дизель түлшний 31 хоногийн нөөцтэй байсан. Оны сүүлийн хоёр сард нийлүүлэлт буурч болзошгүйг албаныхан анхааруулсан. Засгийн газар өнөөдрөөс (10/21) тодорхой боомтоор орох бензин, дизелийн гаалийн татварыг чөлөөлж байна.
❄️ Цасан шуурга, халтиргаа эхэлсэн
10 дугаар сарын дундаас ихэнх нутгаар хүйтэрч, цасан шуурга, халтиргааны сэрэмжлүүлэг гарч эхэлсэн. Өвлийн замд рейсийн хугацаа уртасна.
✅ Ачаа илгээгчдэд 4 зөвлөмж
Хүнд ачааг 11/15-наас хойш төлөвлөх
Зөвшөөрөгдөх жингээс хэтэрсэн, задрах боломжгүй ачааг 11 дүгээр сарын 15-наас хойш эсвэл хувааж ачих боломжтой эсэхийг бидэнтэй зөвлөлдөөрэй.
Үнийн нөхцөлөө тодруулах
Зам ашигласны төлбөр багтсан эсэх, шатахууны үнэ өөрчлөгдвөл тээврийн үнэ хэрхэн өөрчлөгдөхийг урьдчилан асуугаарай.
Шатахууны хомсдолоос өмнө ачаагаа гаргах
Оны сүүлийн хоёр сард шатахууны нийлүүлэлт буурч болзошгүй тул 11–12 сарын ачаагаа аль болох эрт гаргаж, машинаа урьдчилан төлөвлөөрэй.
Нөөц хоног тооцох
Цасан шуурганы үед 1–2 хоног хойшлох боломжтойг тооцож, хүлээн авах талаа бэлдээрэй.
Ачаа, чиглэлээ бичээд үнийн санал аваарай.
Уулзах боломжтой өдрөө сонгоод илгээгээрэй. Таныг хариуцсан менежер эргэн холбогдоно.
Өвлийн тээврээ хамтдаа төлөвлөе
Өвлийн тээврийн хэрэгцээгээ одооноос төлөвлөөрэй. Түмэн Тээх 1000 гаруй тээвэрчинтэй сүлжээгээрээ танай байгууллагатай хамтран өвлийн тээврийг эрсдэлгүй зохион байгуулж, ачааг тань хугацаанд нь, аюулгүй хүргэхэд бэлэн байна.
Утас: 7775-1111
Эх сурвалж: Зам тээврийн хөгжлийн төв / ikon.mn (2026.09.28), Зам, тээврийн яам / ikon.mn (2026.07.22), IBTimes Mongolia / Bloomberg TV Mongolia (2026.10.12), UB Life (2026.10.15).
Comments