top of page
  • Writer's pictureChuluunmunkh sb

Дижитал тээвэрлэлтийн үр ашиг: Бүтээмжийг нэмэгдүүлэх

Updated: Jun 11


Дижитал тээвэрлэлт нь нийт бүтээмж, үр ашгийг өмнө нь хэзээ ч байгаагүй өндөрт хүргэж, ачаа тээврийн салбарт хувьсгал хийж байна. Бичиг цаасны ажлыг гараар гүйцэтгэдэг, үр ашиггүй маршруттай, харилцаа холбооны цоорхойтой байсан үе нэгэнт ард хоцоржээ. Сүүлийн үеийн дэвшилтэт технологийн шийдлүүдийг нэгтгэснээр ачаа тээврийн салбарт үйл ажиллагааг оновчтой болгох, нөөцийг үр ашигтай түвшинд ашиглах, өгөгдөлд тулгуурласан шийдвэр гаргах гээд олон боломжууд бидний өмнө нээгдэж байна. Энэхүү нийтлэлээр бид дижитал тээвэрлэлтийн бүтээмж, үр ашгийг хэрхэн нэмэгдүүлж, шинэ үнэ цэнийг бүтээж байгаатай танилцах болно.



achaa teever, achaanii teever



1.Үйл ажиллагааны үр ашиг



Бодит цагийн хяналт, маршрутын оновчлол зэрэг дижитал тээврийн функцүүдийн тусламжтайгаар сул зогсолтыг багасгаж, чиглэл өөрчлөх шаардлагатай нөхцөлүүдийг буруулах бөгөөд ингэснээр нөөцийг илүү үр ашигтай хуваарилах боломж бүрддэг. Эдгээр шийдлүүд нь хүргэлтийн хугацааг хурдасгах, захиалгын гүйцэтгэлийн хувь хэмжээг нэмэгдүүлэх болон нийт үйл ажиллагааны бүтээмжийг нэмэгдүүлэх замаар үйл ажиллагааны үр ашгийг 10% -иас 30% хүртэл нэмэгдүүлэх боломжтой ажээ.


2.Жолоочийн бүтээмж


Тээврийн дижитал шийдэл нь жолооч, диспетчерүүдийн хоорондын харилцаа холбоог сайжруулдаг бөгөөд жолооч нар аливаа шинэчлэлтийг богино хугацаанд саадгүй хүлээн авч, цахим системд нэвтэрч, статусаа цаг тухайд нь мэдээлэх боломжтой. Энэ нь ажлын урсгалыг хялбарчилж, захиргааны ажлыг багасгах бөгөөд жолооч нарт зөвхөн жолоогоо барих, хүргэлтээ дуусгахад анхаарлаа төвлөрүүлэхэд нь тусалдаг байна. Эдгээр шийдлүүдийг ашигласнаар жолоочийн бүтээмжийг 5-20%-аар нэмэгдүүлэх боломжтой.


3.Цагийн менежмент


Маршрутыг оновчтой болгох алгоритмууд болон замын хөдөлгөөний бодит цагийн шинэчлэлтийн тусламжтайгаар дижитал тээвэр нь жолооч нарт түгжрэлээс зайлсхийх, саатлыг багасгахад тусалдаг. Үр дүнтэй хуваарь, ирэх цагийг зөв тооцоолох нь цагийг илүү сайн удирдах боломжийг олгож, жолооч нарт өгөгдсөн хугацаанд илүү олон хүргэлт хийх боломжийг олгодог байна. Замын түгжрэлээс зайлсхийж, маршрутыг оновчтой болгосноор дижитал тээврийн хэрэгсэл нь хүргэлтийн хугацааг 5-15% хэмнэнэ.



4.Засвар үйлчилгээний оновчлол


Дижитал ачааны тээврийн систем дэх урьдчилан таамаглах засвар үйлчилгээний алгоритмууд нь тээврийн хэрэгслийн бүрэн бүтэн байдал болон гүйцэтгэлийг хянадаг. Боломжит эвдрэл гэмтлийг урьдчилан илрүүлснээр флотын менежерүүд засвар үйлчилгээ, засварын хуваарийг илүү үр дүнтэй хийх боломжтой. Энэхүү идэвхтэй аргыг ашигласнаар төлөвлөгдөөгүй эвдрэлийг багасгаж, зогсолтыг багасгаж, ачааны машиныг илүү урт хугацаанд оновчтой нөхцөлд байлгаж, нийт бүтээмжийг сайжруулдаг ба төлөвлөөгүй эвдрэл, түүнтэй холбоотой зогсолтыг 10-30%-аар бууруулах боломжтой.




teevriin uichilgee, achaa teever, achaanii mashin




5.Удирдлагын бүтээмж



Автомашины дижитал шийдлүүд нь уламжлалт гараар гүйцэтгэдэг захиргааны ажлуудыг автоматжуулдаг. Үүнд ажлын цагийн бүртгэлд зориулсан цахим бүртгэлийн төхөөрөмж (ELD), тоон баримт бичгийн удирдлагын систем, хялбаршуулсан харилцааны платформууд багтана. Бичиг цаасны ажил, гар аргаар өгөгдөл оруулах ажлыг багасгаснаар захиргааны ажилтнуудад үндсэн ажилдаа анхаарлаа төвлөрүүлэхэд нь туслах бөгөөд тэдний бүтээмжийг 10-20%-аар нэмэгдүүлэх боломжтой.


6.Өгөгдөлд суурилсан шийдвэр гаргалт



Автомашины дижитал системээр үүсгэгдсэн өгөгдөл нь флотын үйл ажиллагааны талаар үнэ цэнэтэй ойлголтыг өгдөг. Флотын менежерүүд энэ өгөгдөлд дүн шинжилгээ хийж, чиг хандлага, үр ашиггүй байдал, сайжруулах шаардлагатай хэсгийг тодорхойлох боломжтой. Маршрутыг оновчтой болгох, түлшний үр ашигтай ашиглалтыг нэмэгдүүлэх, дутуу гүйцэтгэлтэй хөрөнгийг илрүүлэх зэрэг өгөгдөлд тулгуурласан шийдвэр гаргаснаар бүтээмжийг 5-15%-аар нэмэгдүүлэх боломжтой.



Нэгэн цагт хөдөлмөр, цаг хугацаа их шаарддаг байсан салбар дэвшилтэт технологи, дижиталчлалын тусламжтайгаар илүү хялбар, оновчтой бөгөөд үр ашигтай болж хувьсан өөрчлөгдсөөр байна. Үйл ажиллагааны оновчлол, хүчирхэг жолооч, саадгүй харилцаа холбоо зэрэг нь ачаа тээврийн салбарын өсөлт, бүтээмжид эерэгээр нөлөөлөх нь гарцаагүй юм.


Нийтлэл бичсэн: Г.Баттуул




ачааны тээвэр, тээврийн үйлчилгээ, teevriin mashin

Тээврийн үнийн санал авах бол 7775-1111, 8888-1423

47 views0 comments

Comments


bottom of page